សេចក្តីប្រកាសព័ត៌មានស្តីពីការចុះហត្ថលេខាលើកិច្ចព្រមព្រៀងគម្រោងអភិរក្សព្រៃឈើតំបន់ព្រៃឡង់
នៅថ្ងៃទី០២ ខែមិនា ឆ្នាំ២០១៨ ក្រសួងបរិស្ថាន បានចេញសេចក្តីប្រកាសព័ត៌មាន ស្តីពីការចុះហត្ថលេខាលើកិច្ចព្រមព្រៀងគម្រោងអភិរក្សតំបន់ព្រៃឡង់ រវាងក្រសួងបរិស្ថាន អង្គការអភិរក្សអន្តរជាតិ (Conservation International) និងក្រុមហ៊ុន Mitsui & Co.,LTD ដែលនឹងប្រព្រឹត្តទៅនៅថ្ងៃទី០៥ ខែមីនា ឆ្នាំ២០១៨ វេលាម៉ោង ២:៣០ នាទីរសៀល នៅទីស្តីការក្រសួងបរិស្ថាន សាលប្រជុំ ម៉ុក ម៉ារ៉េត ក្រោមអធិបតីភាពរបស់ ឯកឧត្តម សាយ សំអាល់ រដ្ឋមន្ត្រី ក្រសួងបរិស្ថាន។ ពិធីចុះហត្ថលេខាលើកិច្ចព្រមព្រៀងនេះ មានគោលបំណងបង្ហាញពីការប្តេជ្ញាចិត្តចូលរួមចំណែករបស់ក្រុមហ៊ុនឯកជនអន្តរជាតិ និងអង្គការដៃគូអភិវឌ្ឍន៍នានា ក្នុងការងារការពារ និងអភិរក្សធនធានព្រៃឈើរបស់កម្ពុជា នៅក្រោមក្របខណ្ឌយន្តការឥណទានកាបូនរួមគ្នា ដែលជាយន្តការទ្វេភាគីថ្មីមួយរវាងព្រះរាជាណាចក្រកម្ពុជា និងប្រទេសជប៉ុន ក្នុងភាពជាដៃគូជម្រុញការអភិវឌ្ឍបៃតង បញ្ចេញកាបូនតិច នៅកម្ពុជា។
ក្រសួងបរិស្ថាន
